Тошкентда “Сен дунёга кераксан” кўнгиллилар жамоаси 30 мартдан бошлаб “Йўлда ифторлик” номли акцияни йўлга қўйди. Унда жамоа вакиллари шаҳарнинг тирбанд йўлларида юриб рўза тутганларга ифторлик учун сув ва хурмо тарқатади. “Дарё” ушбу акциянинг бир кунидан фоторепортаж тайёрлади.
Жамоа вакилининг “Дарё” мухбирига маълум қилишича, акция 10 кун давом этиб, шунча муддатга мўлжаллаб 12 минг дона сув ва хурмо сотиб олинган. Ушбу егуликлар учун маблағ эса жамоанинг ижтимоий тармоқлардаги саҳифаларида келтирилган банк карталаридаги эҳсонлар эвазига йиғилган. “Сен дунёга кераксан” тахминан 40 дан ортиқ аъзодан иборат бўлиб, улар гуруҳларга бўлинган ҳолда сув ва хурмоларни ташиб келтириб, алоҳида қадоқлаб, ифторликка тарқатгунга қадар навбатма-навбат ишлайди.
Акцияга қўшилиш учун айнан жамоа аъзоси бўлиш шарт эмас, ҳар қандай истовчи ва талабгор улар билан биргаликда йўловчиларга ифторлик тарқатиши мумкин.
Изоҳ (0)