Актёрлик машҳурлик, дам олишингиз кераклигини ва ҳеч нарса қилмаслигингиз мумкинлигини англатмайди. The Voice нашри ўқишини давом эттириш ва илмий даражага эга бўлиш учун коллеж ёки университетда таҳсил олган машҳурлар ҳақида маълумот берди.
Эмма Уотсон
“Гарри Поттер” ҳақидаги сўнгги фильм чиққандан сўнг, актриса Эмма Уотсон Браун университетига ўқишга кирди ва у ерда беш йил таҳсил олди. Эмма 2014 йилнинг май ойида инглиз адабиёти бўйича бакалавр даражасини қўлга киритди. Актрисанинг сўзларига кўра, у ўқиш пайтида университет театрида “Уч опа-сингил” спектаклида рол ўйнаган.
Натали Портман
Актриса Натали Портман 1999 йилда “Юлдузлар жанги”нинг биринчи эпизоди суратга олингандан сўнг, Гарвардга кирган. У ушбу олийгоҳнинг психология йўналиши бўйича бакалавр даражасини олди. У ўқиш пайтида кинодаги фаолиятини давом эттирди ва ҳеч нарсани йўқотмади. Актриса 2015 йилда Гарварднинг биринчи курс талабалари учун нутқ сўзлашга таклиф қилинди.
“1999 йилда мен буни хато деб ўйладим, бу ерда ўқишга ақлим етарли эмасдек туюлди. Бу ерда ўқиш учун ва ҳар сафар гапирганимда, шунчаки аҳмоқ актриса эмаслигимни исботлашим керак эди”, — дейди актриса.
Клэр Дэйнс
Актриса “Кичик аёллар” ва “Ромео ва Жулиетта" фильмларида суратга тушганидан сўнг, Йел университетининг психология бўлимига ўқишга кирди. У икки йилдан кейин яна фильмларда суратга туша бошлади.
Маим Бялик
“Блоссом” ситкомининг муваффақиятидан сўнг, актриса Калифорния университетида ўқиди ва неврология бўйича диплом қўлга киритди. “Агар ўқишга бормаганимда, ҳаракат қилишни ва ҳаётдан завқланишни давом эттиришим мумкин эди. Бироқ бу мен учун муҳим эди. Менга алоҳида эҳтиёжли ўсмирлар билан ишлаш ёқади”, — дейди актриса.
Маим 2007 йилда неврология бўйича PhD (фалсафа фанлари доктори) даражасини олди ва уч йилдан сўнг у “Катта портлаш назарияси” сериалида нейробиолог Эми ролини ўйнашга таклиф қилинди.
Ева Лонгория
“Умидсиз уй бекалари” фильмининг сўнгги фаслларини суратга олиш билан бир қаторда, актриса Калифорния университетида (АҚШда яшовчи мексикаликлар) Чикано маданиятини ўрганган ва 2013 йилда ушбу олийгоҳни тамомлаган. “Таълимни давом эттириш учун ҳеч қачон кеч эмас”, — деган актриса битирув куни.
Жоди Фостер
“Таксист” фильмининг суратга олиш ишлари тугагач, актриса Ел университетига ўқишга кирди ва 1985 йилда адабиёт бўйича бакалавр даражасини олди. Шу билан бирга, у бир кун ҳам суратга олиш жарайонларини тўхтатмади ва ҳар доим энг юқори баҳоларни олди.
Брук Шилдс
Кино ва подиумдаги муваффақиятли фаолияти давомида актриса Принстонда таҳсил олди ва француз адабиёти бўйича мутахассис бўлди.
Стивен Спилберг
Таниқли режиссёр Стивен Спилберг 2002 йилда Лонг-Бичдаги Калифорния университетига бориб, қирқ йил олдин бошлаган тренингни якунлади. У санъат соҳаси бўйича бакалаврига айланди. Режиссёрнинг раҳбари Спилбергнинг диплом иши узоқ, яхши ёзилган ва хатолардан холи эканини айтган.
Изоҳ (0)