МИБ Наманган вилоят бошқармаси ва унинг ҳудудий бўлимлари иш юритувига жорий йил икки ойи давомида энергия ресурсларидан қарздорлик бўйича жами 18,5 миллиард сўмлик 458 та ижро ҳужжатлари келиб тушган. Бу ҳақда “Дарё” мухбири Азизбек Абдувалиев хабар бермоқда.
Олиб борилган ижро ҳаракатлари давомида 404 та ижро ҳужжати тамомланиб, қарийб 14,1 миллиард сўмлик қарздорлик ундирилди.
Табиий газ ва электр энергиядан фойдаланиб, қарздорликни бартараф этмаганларга нисбатан таъсир чоралари кўрилиб, ҳисоб рақамларига инкассо қўйиш ёки уларга тегишли мол-мулкларни хатлаш чоралари кўрилмоқда.
Жумладан, Наманган туманлараро иқтисодий судининг ижро варақасига асосан “Қишлоқичимликсув таъминот” масъулияти чекланган жамиятидан “Наманган ҳудудий электр корхонаси” аксионерлик жамияти фойдасига ишлатилган электр энергиясидан 709 миллион сўм қарздорликни ундириш белгиланганди. Олиб борилган мажбурий ижро ҳаракатлари давомида 190 миллион сўм қарздорлик ундирилди. Ҳозирда қолган суммани ундириш чоралари кўрилмоқда.
Изоҳ (0)