Бугун,

  • USD 11095.31
  • RUB 173.84
  • EUR 10772.44

Россияда аввал кичик ҳуқуқбузарликлар учун мамлакатдан чиқариб юборилган меҳнат муҳожирларига нисбатан амнистия эълон қилиш таклиф этилди. Бу ҳақда “Российская газета” хабар берди.

Фото: “РИА Новости”

Бу ташаббусни Давлат думасининг иқтисодий сиёсат қўмитаси раиси ўринбосари Артем Кирянов илгари сурди. У бу чора Россия меҳнат бозорига 200 минггача хорижлик ишчиларни жалб қилишга ёрдам беришини айтди ва Россия қурилиш мажмуасида мигрантларга талаб юқори эканини қайд этди.

Ҳозирда кичик ҳуқуқбузарлик содир этган фуқароларга нисбатан амнистияни кенгайтириш таклиф қилинмоқда. Асосан, бу ҳужжатларни ўз вақтида расмийлаштирмаган ёки мамлакатни тарк этишни кечиктирган мигрантларга тегишли. Депутат ҳали депортация қилинмаган хорижликлардан ҳам жазони олиб ташлаш мумкинлигини айтди. Ҳозир бу ташаббус ҳамжамият томонидан муҳокама қилинмоқда. 

Аввалроқ Россиядан депортация қилинган хорижлик қурувчилар учун амнистия зарурлигини НОSTROY президенти Антон Глушков ҳам айтганди.

“Менимча, Россиядан депортация қилинган хорижий ишчи кучи масалаларида амнистия механизмни ишлаб чиқиш вақти келди. Чунки хорижий кучлар керак, улар Россия ҳудудида ишлаш тажрибасига эга”, — деган эди у. 

Глушков миграция қонунчилигини бузгани учун депортация қилинган мигрантлар сони анчагина эканини қайд этган. Меҳнат муҳожирлари учун амнистия Россия амалиётида жуда кенг тарқалган механизм бўлиб, бир неча марта қўлланилган. 2017 йилнинг баҳорида Россия 100 мингга яқин Тожикистон фуқаросига нисбатан биринчи амнистияни амалга оширган. Турли йилларда Молдова, Қирғизистон ва Ўзбекистон фуқаролари ҳам амнистияга тушган.

Мавзуга доир
Изоҳ
Асосий янгиликлар
Спорт
“Манчестер Сити” ёки “Интер” ҳужумчиси тарихда қолади. Бир мавсумда ҳам ЕЧЛ, ҳам ЖЧ кубогини қўлга киритган тўққиз футболчи ҳақида
Дунё
Канада бош вазири Жастин Трюдо кутилмаган ташриф билан Киевга келди (фото)
Спорт
“ПСЖ” Лионель Мессига ўринбосар сифатида “Манчестер Сити” етакчисини олиб келмоқчи