Қашқадарё вилоятига прокурор тайинланди

Бош прокурорнинг буйруғига асосан Адлия катта маслаҳатчиси Бектош Соипов Қашқадарё вилояти прокурори лавозимига тайинланди. Бу ҳақда Бош прокуратура матбуот хизмати хабар берди.

Бектош Соипов тайинловга қадар Наманган вилояти прокурори лавозимида ишлаган. Ундан олдин эса Соипов 2021 йилнинг март ойидан Бухоро вилояти прокурорининг биринчи ўринбосари сифатида ишлаб келган.

Эслатиб ўтамиз, февраль охирларида Қашқадарё вилояти прокурори лавозимида ишлаб келган Салом Самадов президентининг тегишли фармонига асосан бош прокурорнинг ўринбосари лавозимига тайинланганди.