25 март куни Беларусда давлатга хиёнат қилган мансабдор шахслар ва ҳарбий хизматчиларга нисбатан ўлим жазосини қўллашни назарда тутувчи қонун кучга кирди, деб ёзмоқда DW нашри.
Худди шу қонун терроризмни тарғиб қилиш ва армияни обрўсизлантириш учун ҳам жиноий жавобгарликка тортади.
“Жиноий жавобгарлик тўғрисидаги кодексларга ўзгартиришлар киритиш тўғрисида”ги қонун лойиҳаси Вазирлар Кенгаши томонидан 2022 йил октябрь ойи охирида Беларусь Миллий Ассамблеяси вакиллар палатасига киритилган. 2023 йил февраль ойининг охирида у парламентда икки ўқишдан ўтди, сўнг Республика кенгаши томонидан маъқулланди.
Беларусь президенти Александр Лукашенко ҳужжатни 9 март куни имзолади, 14 март куни эса қонун Беларусь миллий юридик интернет порталида эълон қилинди. Ҳужжатда у расмий эълон қилинганидан ўн кун ўтиб кучга кириши айтилган.
Қонунга кўра, мансабдор шахс томонидан содир этилган “давлатга хиёнат учун” жиноий жавобгарлик давлат лавозимини эгаллаб турган барча шахсларга нисбатан қўлланилади. Бундай ҳолда, ҳужжат умрбод озодликдан маҳрум қилиш ёки ўлим жазосини қўллаш имкониятини назарда тутади.
Изоҳ (0)