Бугун,

  • USD 11095.31
  • RUB 173.84
  • EUR 10772.44

Тошкент вилояти Зангиота туманида дори воситаларининг ноқонуний муомалага киритилишининг олди олинди. Бу ҳақда Бош прокуратура ҳузуридаги департамент хабар берди.

Қайд этилишича, департаментнинг Зангиота туман бўлими томонидан ДХХ ва ИИБ ходимлари билан ҳамкорликда тезкор тадбир ўтказилган. Тадбирда фуқаро Н.М. ўзининг Spark автотранспорт воситасида тегишли ҳужжатлари бўлмаган умумий баҳоси 271,8 миллион сўмлик 9 турдаги жами 17 904 дона дори воситасини Тошкент шаҳрига ўтказиш мақсадида олиб келаётгани аниқланиб, ашёвий далил сифатида мусодара қилинган.

Мазкур ҳолат юзасидан Жиноят кодексининг 186-3-моддаси (дори воситаларини дорихоналар ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.

Аввалроқ Ҳиндистоннинг Уттар-Прадеш штати ҳукумати Ўзбекистонда болалар ўлимига сабаб бўлган “Док-1 Макс” дорисини ишлаб чиқарувчи Marion Biotech Pvt. Ltd компаниясининг лицензиясини бекор қилгани тўғрисида хабар берилганди.

Мавзуга доир
Изоҳ
Асосий янгиликлар
Дунё
Россия тобора кўпроқ ташаббусни Украинага бериб қўймоқда — Буюк Британия Мудофаа вазирлиги
Иқтисодиёт
Ўзбекистондаги банкларда чет элликлар қарийб 900 млн долларлик омонат сақлайди — МБ
Дунё
Словакияда прокурорларнинг компьютерларига яширинча хавфсизлик дастури ўрнатилгани жанжал келтириб чиқарди