Канадалик 33 ёшли хонанда The Weeknd иккита жаҳон рекордини ўрнатди. У Spotify’да ойлик тингловчилар сони бўйича биринчи ўринни эгаллади ва мусиқа платформасида ойлик тингловчилар сони 100 миллиондан ошган биринчи хонандага айланди.
Платформа маълумотларига кўра, санъаткорнинг 2020 йилда чиқарган Blinding Lights қўшиғи Spotify’да барча даврларнинг энг кўп эшитилган треки ҳисобланади. Бугунги кунга қадар ушбу таронани 3,47 миллиард одам тинглаган.
Маълумот учун, The Weeknd 1990 йилнинг 16 февраль санасида Канадада туғилган. У 2017 йилда Forbes рейтингида 30 ёшгача бўлган энг кўп маош олувчи спорт ва шоу-бизнес юлдузлари рейтингида биринчи ўринни эгаллади. Нашр маълумотларига кўра, унинг йиллик даромади 92 миллион долларни ташкил этади.
Изоҳ (0)