Глобал терроризм индекси—2023 (GTI) бўйича Афғонистон кетма-кет тўртинчи йил ўлимлар сони бўйича рейтингда биринчиликни эгалламоқда.
Индекс 2007 йилдан буён содир этилган теракт ва ҳалок бўлганлар сони бўйича маълумотлар асосида ҳисоблаб чиқилади. Энг ёмон террорчилик ҳолати — Афғонистонда. GTI маълумотларига кўра, мамлакатда 633 та теракт қайд этилган. Ҳужумларнинг 63 фоизи ва ўлим ҳолатларининг 74 фоизи Покистон билан чегарада юз берган.
Марказий Осиёдаги вазият ижобий баҳоланган. Ўзбекистон мазкур рейтингда 70-ўринни эгаллаган (2022 йилда унинг кўрсаткичлари ёмонлашган). Тожикистон эса 50-ўринда. Қозоғистон, Қирғизистон ва Туркманистон 93-ўринни ўзаро бўлишган.
Толиблар томонидан Афғонистон эгалланганидан кейин ИШИД “энг фаол террорчилик гуруҳига” айланган ва 2022 йилда 422 кишини ўлдирган. Терроризм билан боғлиқ ўлим ҳолатларининг қарийб 67 фоизи ИШИД ҳисобига тўғри келади.
Маълумот учун, Ўзбекистон ушбу индексда 2016 йили 125-ўринни, 2019 йилда эса 132-ўринни эгаллаган эди.
ИШID экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)