Ҳаммаси ўзингизга боғлиқ: Тери қаришига сабаб бўладиган зарарли одатлар

Ҳар куни массаж ва кремларга соатлаб вақт сарфлашингиз мумкин, аммо ҳеч қандай натижага эриша олмайсиз. Сабаби нимадалигини биласизми?

Тегиниш

Тез-тез ишлатиладиган нарсаларда бактериялар ақл бовар қилмайдиган тезликда кўпаяди ва кир тўпланади. Терингизга бевосита тегадиган нарсаларни дезинфекция қилишни унутманг. Қўлингизни юзингиздан узоқроқ тутганингиз маъқул, акс ҳолда мунтазам равишда терингизда тошмалар ва қора нуқталар пайдо бўлаверади.

Озиқ-овқат чекловлари

Фақат ёғли озиқ-овқат ва шакар гўзалликка зарар келтиради деб ўйламанг. Соғлом озиқ-овқат ва тўғри овқатланиш ҳам тошмаларга олиб келиши мумкин. Бу, айниқса, чекланган диетага тегишли. Озиқ-овқатларнинг ҳар қандай гуруҳини диетадан чиқариб ташлаб, керакли витамин ва минераллар етарлилигига ишонч ҳосил қилинг.

Скраб ва мочалкалар

Совуқ мавсумда тери пилингга кўпроқ мойил бўлади. Намланмаган ҳаво, ҳарорат фарқлари ва витамин етишмаслиги туфайли турли хил ёриқлар, қуруқлик пайдо бўлиши мумкин. Бундай муаммоларни пайқаб, биринчи навбатда пилингни механик равишда енгиллаштирадиган ўта самарали скраб ва мочалкаларга югурамиз. Гап шундаки, бундай муолажалардан сўнг тери силлиқ ва жозибали кўринса ҳам яллиғланиш хавфи кўпроқ бўлади. Стресс пайтида тери одатдаги ҳаёт ритмига қўпол аралашувга тасирчан бўлиши мумкин.

Ювилмаган чўткалар

Фойдалангандан кейин макияж воситаларини ювиш шарт. Чўтка ва губкалар нафақат косметика қолдиқларини сақлайди, балки қайта ишлатилса,  тез кўпаядиган турли бактерияларни терига ўтказади. Тахмин қилганингиздек, буларнинг барчаси яллиғланиш ва тери шикастланишига олиб келади. Ҳар сафар асбобларни ювинг.

Спортдан кейин душ қабул қилмаслик

Машқ қилиш саломатлик ва ташқи кўриниш учун муҳим, аммо у бироз ноқулайлик, аниқроғи терингизга зарар етказиши мумкин. Тер билан организмдан токсинлар чиқарилади, лекин у қуриганида тешикларга ёпишади, қора доғлар ва тошма пайдо бўлади. Фаол жисмоний машқлардан сўнг нафақат душ қабул қилиш, балки терини яхшилаб ювиш ва шу билан кўплаб муаммолар пайдо бўлишининг олдини олиш жуда муҳимдир.

Иссиқ сув

Душ ёки ҳаммом пайтида сув жуда иссиқ эмаслигига ишонч ҳосил қилинг. Қайноқ сувли иссиқ ванналар тери учун зарарли. Иссиқ сувда ювиниш ачишиш, қизариш, эластикликнинг йўқолишига олиб келади.

Тана сигналларига эътибор бермаслик

Тана энг кичик ўзгаришларга дарҳол жавоб берадиган мукаммал тизимдир. Организмингизни керакли микроэлементлар билан таъминлайсизми? Сигналларни кузатиб боринг ва уларга дарҳол жавоб беринг, шу жумладан турмуш тарзингизни таҳлил қилинг.