Android телефонларда зилзиладан огоҳлантирувчи функцияни ёқиш усули (видео)

Тошкент вақти билан 21:47 да Афғонистонда содир бўлган зилзила кучи Ўзбекистон ҳудудида ҳам сезилди. Ўзбекистондаги Android смартфон фойдаланувчилари биринчи марта кучли зилзила пайтида зилзила ҳақида огоҳлантириш олди. Қуйида зилзиладан огоҳлантирувчи мазкур функция ҳақида маълумот берилади ва уни ёқиш усули ўргатилади. 

Бу функция 2020 йилнинг ёзида АҚШда, Калифорниянинг зилзила содир бўлиши мумкин бўлган минтақасида фуқароларни огоҳлантириш орқали уларнинг ҳаётини сақлаб қолиш мақсадида синовдан ўтказилган.  

Компания маълумотларига кўра, мобил телефон қурилмаси зилзила билан боғлиқ хусусиятларга эга тебранишларни аниқлайди, сўнгра махсус Google серверига сигнал юборади. Шунингдек, сигналнинг нисбий геосиёсий жойлашувини кўрсатади. Кейин сервер зилзила ҳақиқатан ҳам содир бўлаётганини аниқлаш учун кўплаб турли смартфонлардан келган барча сигналларни кенгроқ ҳудудда бирлаштиради.

Мазкур функцияни ёқиш учун телефонингизда Созламалар иловасини очинг. “Хавфсизлик ва фавқулодда вазиятлар” ёзуви устига босинг. Агар сизда “Зилзила ҳақида огоҳлантиришлар. Хавфсизлик ва фавқулодда вазиятлар” бўлими кўринмаса “Кенгайтирилган жойлашув” ёзувига босинг. Шу усул орқали сиз зилзила ҳақида огоҳлантиришлар функциясини ёқа оласиз. Энг муҳими, функция ишлаши учун сизда интернет ёки Wи-фи ёқилган бўлиши керак.