Тошкентда яшин уриши натижасида мактаб биносига шикаст етди

Тошкентда 20 март куни кузатилган кучли шамол ва ёғингарчилик вақтида дарахтни яшин уриши натижасида мактаб биноси эшик ва ойналарига шикаст етди.

Ижтимоий тармоқларда 83-сонли умумтаълим мактаби ушбу табиий ҳодисадан кейинги ҳолати акс этган видеоси тарқалди.

Тошкент шаҳар Фавқулодда вазиятлар бошқармасининг хабар қилишича, ҳодиса натижасида жабрланган ёки ҳалок бўлган фуқаролар йўқ.

Фавқулодда вазиятлар вазирлиги ходимлари томонидан ўз вақтида бартараф этиш ишлари олиб борилди.

Эслатиб ўтамиз, “Ўзгидромет” 20 март учун об-ҳаво прогнозида Тошкентда вақти-вақти билан ёмғир ёғиб, момақалдироқ бўлишини маълум қилганди.