Транспорт вазирлиги матбуот хизмати Silk Avia миллий авиакомпаниясининг биринчи самолёти Тошкентга келиб қўнганини эълон қилди.
Қайд этилишича, авиакомпаниянинг биринчи самолёти 21 март куни маҳаллий вақт билан соат 08:30 да Тошкент халқаро аэропортида анъанага кўра, тантанали равишда сув аркаси ва экипаж аъзоларини карнай-сурнай садолари остида гуллар билан кутиб олинди.
Йўловчи сиғими 70 кишилик АТR 72-600 самолёти дунёдаги энг машҳур қисқа масофага учувчи самолётлардан бири ҳисобланади.
Airbus А320 га нисбатан тўрт баравар кам ёнилғи сарфлайдиган хавфсиз ва тежамкор, арзон самолёт йўловчиларга ҳамёнбоп нархда ишончлилик ва қулайликни тақдим этади.
Маълумот учун, Silk Avia 2021 йилнинг ноябрида ташкил этилган. Мазкур авиакомпания мамлакат ичида авиақатновларга бўлган талабни қондиради. Ўзбекистон бўйлаб 40 га яқин йўналиш — нафақат пойтахтдан вилоятларга, балки вилоятлар ўртасида ҳам йўлга қўйилиши режалаштирилган.
Изоҳ (0)