Баъзи актёрлар кўпинча маълум бир рол билан боғланиб қолади. Улар ҳар сафар ўз ролларини иштиёқ билан ўйнаб, томошабинга ўзлари кутган нарсани тақдим этса, бунинг ёмон жойи йўқ. Аммо барибир экранда маҳорат билан ўзгаришни биладиган актёрлар алоҳида ҳурматга лойиқдир.
Том Хенкс
Хенкс ўзига хос жозибаси туфайли доимо принципиал, одобли, меҳрибон ва шу билан бирга, камтарона қаҳрамонларнинг ролларини ўйнайди. Ваҳоланки, такрорланиб турадиган сифатларга қарамай, актёр ҳар сафар экрандаги персонажларни турлича гавдалантиради, уларни ўзига хос қилади.
Ҳелена Boneм Картер
Узоқ вақт давомида Ҳелена фақат нозик гул сифатида аристократ қиз ролида қабул қилинган. Аммо томошабинлар бахтига у ўзига юкланган образга қарши чиқди. Актриса “Жангчилар клуби” фильмидаги бепарво Марла ролини ўйнаб, ўзининг “қоронғи” томонини кўрсатди. Истаса, ажойиб тарзда ҳар қандай одамга айлана олишини исботлади.
Хю Лори
Агар сиз Хю Лорини фақат Доктор Хаус сифатида билсангиз, кўп нарсани ўтказиб юборибсиз. “Живс ва Вустер” фильмидаги харизматик аристократдан тортиб “Тунги бошқарувчи” фильмидаги совуққон ёвуз одамга, 5-авенюдаги космик лайнернинг саросимага тушиб қолган псевдо-капитанигача — Лори ҳар доим қаҳрамонини ишончли тасвирлашга ва ижроси билан ҳаяжонлантиришга муваффақ бўлади.
Аня Тейлор-Жой
Тейлор-Жой харизмаси ва истеъдоди туфайли дебютидан атиги 6 йил ўтгач, биринчи “Эмми” номинацияси ва “Олтин глобус” мукофотини қўлга киритди. Ёш актриса учун 2015 йилда “Жодугар” фильмидаги роли омад келтирди. Ўшандан бери Аня ўзига ишониб топширилган ҳар қандай образни ёрқин ва ишончли тарзда гавдалантиришга қодирлигини ҳар бир ишида исботлаб келмоқда.
Уиллем Дефо
Дефо қандайдир осонлик билан экранда ёрқин ва жасур қаҳрамонларни, шунингдек, бутунлай ёвуз ва жирканч персонажларни гавдалантиришга муваффақ бўлади. Шубҳасиз, ўзининг ноёб истеъдоди туфайли актёр турли кино мукофотлари учун жуда кўп номинацияларга сазовор бўлди.
Тони Коллетт
Австралиялик Тони Коллетт бежиз Голливуддаги кўп қиррали актрисалардан бири деб аталмаган. Актриса юзи ва танасини тушунарсиз тарзда бошқаради, том маънода ўзига хос юз ифодалари ва ҳаракатлари билан бутунлай бошқа одамга айланади. У кучли ҳис-туйғуларни экран орқали томошабинларга қанчалик осон етказиши ҳақида гапирмаса ҳам бўлади.
Сем Роквелл
Роквелл 90 йилларда мустақил кино пайдо бўлганидаёқ эътирофга сазовор бўлган ва унинг энг муҳим роли “Хавфли одамнинг эътирофлари” фильмидаги телебошловчи Чак Баррис роли бўлган. Ўшандан бери актёр фаолияти давомида доимо биринчи ва иккинчи пландаги роллар ўртасида ўзгаради, иккала ролни ҳам тенг истеъдод билан ижро этди.
Аманда Сейфрид
Аманда бежиз турли мукофотлар соҳибаси эмас. Актриса жанрлар билан тажриба ўтказишдан қўрқмаслиги аниқ. Енгил комедиялар ва мусиқий фильмларга, шунингдек драмалар ва триллерларнинг безовта қилувчи муҳитига мос келади. Айни дамда актриса “Тўлган хона” қизиқарли детектив сериалида суратга тушмоқда.
Гари Олдман
Олдманнинг қаҳрамонларини ўзгартириш қобилияти баъзан ҳайратланарли. Актёр нафақат ташқи кўринишини таниб бўлмас даражада ўзгартиради, балки ҳар бир персонаж учун урғу ва юз ифодаларини нозик тарзда ўйнайди.
Изоҳ (0)