Тожикистонда 12 март куни соат 20:26 да 4,6 магнитудали зилзила содир бўлди. Зилзила кучи Ўзбекистоннинг икки вилоятида сезилди. Бу ҳақда Сейсмопрогностик мониторинг маркази хабар берди.
Зилзила координаталари: 39,31 градус шимолий кенглик; 67,54 градус шарқий узунлик. Магнитуда М=4,6. Чуқурлик 10 километр. Зилзила эпицентри Тошкентдан 260 км жанубий-ғарбда.
Зилзиланинг Ўзбекистонда сезилиш кучи қуйидагича:
- Самарқанд вилоятида 3 балл, 63 километр.
- Жиззах вилоятида 2-3 балл, 93 километр.
Маълумот ўрнида, 12 март куни Тошкент вақти билан 14:32 да Тожикистонда яна бир зилзила содир бўлганди. Зилзила магнитудаси 4 ни ташкил қилган. Шу куни Афғонистонда иккита: 3,9 ва 5 магнитудали зилзила қайд этилган.
Изоҳ (0)