Ўзбекистонда сайлаш ҳуқуқи чекланган шахслар рўйхати бўлмайди 

Ўзбекистонда эндиликда сайлаш ҳуқуқи чекланган шахслар рўйхати бўлмайди.

Конституцияга киритилаётган таклифга мувофиқ, эндиликда қонунларда сайлаш ҳуқуқи чекланган шахслар рўйхати бўлмайди. Фақатгина суд томонидан муомалага лаёқатсиз деб топилган фуқаролар, шунингдек оғир ва ўта оғир жиноятлар содир этганлик учун суднинг ҳукмига кўра озодликдан маҳрум этиш жойларида сақланаётган шахслар сайловда иштирок этиш ҳуқуқидан фақат қонунга мувофиқ ҳамда суднинг қарори асосида маҳрум этилиши мумкин.

Шунингдек, давлат рамзлари – миллат тимсоли эканлигидан келиб чиқиб, уларга нисбатан ҳурмат туйғусини кучайтириш ва уларни ҳимоя қилиш мақсадида “давлат рамзлари давлат ҳимоясидадир” деган конституциявий норма ўрнатилмоқда.

Бундан ташқари, миллий валютага бағишланган янги модда киритилиб, унда Ўзбекистоннинг пул бирлиги сўм экани, сўм мамлакатнинг бутун ҳудудида ягона чекланмаган қонуний тўлов воситаси экани кўрсатилмоқда.

Аввалроқ Шавкат Мирзиёев депутатлар билан учрашувда сиёсий партияларнинг ролини ошириш мақсадида аралаш сайлов тизимига ўтиш таклифини билдиргани хабар қилинганди.