Uzbekistan Airways авиакомпаниясининг Тошкентдан Термизга учган рейси яна ортга қайтарилди. Бу ҳақда Telegramъдаги “Новости Taшкентского неба” канали хабар берди.
“Ислом Каримов номидаги Тошкент халқаро аэропортидан Термизга учган HY-079 йўловчи рейси ноқулай об-ҳаво (чанг бўрони) туфайли пойтахтга қайтмоқда”, — дейилади хабарда.
“Ўзгидромет” Сурхондарё вилоятида 8 март куни ҳаво ўзгариб туриши, вилоятнинг баъзи жойларида шамол 15–20 метр/секундгача кучайишини маълум қилганди.
Эслатиб ўтамиз, 2022 йил сентябрь ойида HY-065 йўловчи рейси Термиз аэропортидаги ноқулай об-ҳаво шароити — кучли шамол ва чанг бўрони туфайли Бухоро шаҳридаги захира аэропортга йўналтирилганди.
Изоҳ (0)