“Ўзбекистон воҳаларининг мўжизалари. Карвон йўллари чорраҳасида” кўргазмасига 260 мингдан ортиқ томошабин ташриф буюрди. Бу ҳақда Саида Мирзиёева ўз саҳифасида маълум қилди.
Лувр кўргазмасида “Ўзбекистон воҳаларининг мўжизалари. Карвон йўллари чорраҳасида” кўргазмаси 2022 йилнинг 23 ноябрида очилган. Мазкур кўргазмага 260 мингдан ортиқ томошабин ташриф буюрди. Саида Мирзиёева кўргазмани рўёбга чиқаришда кўмак кўрсатган барчага ўз миннатдорчилигини билдирган.
“Бугун қувончимни, дунё жамоатчилигида катта қизиқиш уйғотган Ватанимнинг буюк тарихи ва маданияти учун ғурур туйғусини ичимга сиғдира олмаяпман. Фактлар шуни кўрсатяпти — Парижнинг машҳур Лувр кўргазмасида 2022 йилнинг 23 ноябрида очилган “Ўзбекистон воҳаларининг мўжизалари. Карвон йўллари чорраҳасида” кўргазмасига 260 мингдан ортиқ томошабин ташриф буюрди. Фурсатдан фойдаланиб, мазкур кўргазмани рўёбга чиқаришда кўмак кўрсатган барчага ўз миннатдорчилигимни изҳор этаман. Бу Ўзбекистон ва Франция мутахассислари томонидан амалга оширилган улкан меҳнат маҳсулидир”, — деб ёзади Саида Мирзиёева.
Изоҳ (0)