Бухорода битта хусусий корхонага қарашли 3 та газ заправка табиий газдан ноқонуний фойдаланиш оқибатида давлат манфаатларига жами 11,8 миллиард сўм зарар етказди, деб хабар беради ЎзА.
Қайд этилишича, 10 февраль куни “Ҳудудгаз Бухоро” ГТФ ҳамда метрология хизмати мутахассислари ҳамкорлигида вилоятдаги айрим АГQКШларда ўрганишлар олиб борилган. Ўрганишлар давомида “Солихов Олимжон Фазлиддинович” хусусий корхонасига қарашли 3 та газ-заправкада табиий газдан ноқонуний фойдаланиш оқибатида давлат манфаатларига жами 11 миллиард 847 миллион 744 минг сўм зарар етказилгани аниқланган.
Маълумотларга кўра, корхонанинг биринчи АГQКШ филиалида 2022 йилнинг 1 ноябрь кунидан 2023 йил 10 февраль кунига қадар бўлган даврда 3,49 миллиард сўмлик, иккинчи АГQКШ филиалида 5,77 миллиард сўмлик ҳамда учинчи филиалида 2,58 миллиард сўмлик табиий газ яширин равишда талон-торож қилинган.
Тўпланган ҳужжатларга кўра, “Солихов Олимжон Фазлиддинович” хусусий корхонаси мансабдор шахсларининг ҳаракатларида жуда кўп миқдорда ўғрилик содир этишда ифодаланган жиноят аломатлари мавжудлиги аниқланган. Олиб борилган ўрганишлар натижасида мазкур ҳолат юзасидан Ғиждувон туманидаги “Солихов Олимжон Фазлиддинович” хусусий корхонаси мансабдор шахсларига нисбатан жиноят иши қўзғатилган.
Изоҳ (0)