Калорияга бойлигига қарамай, италян ошхонаси дунёдаги энг соғлом таомлардан бири ҳисобланади. Италияликлар диетасида доимий пицца ва макарон бўлишига қарамай, семирмасликларининг сабаби нимада?
Йўқдан бор қилинади
Италия ошхонасининг аксарияти жуда оз нарсадан максимал даражада фойдаланишга асосланган. Бунинг ҳатто махсус номи ҳам бор: cуcина повера — “камбағал ошхона”. Энг яхши мисол — минестроне шўрваси. У махсус рецепт бўйича эмас, балки ошхонада топилиши мумкин бўлган ҳар қандай мавсумий маҳсулотлардан тайёрланади. Италияликлар бус ҳўрвага кўкатлар, ловия, макарон ёки бошқа маҳсулотларни қўшишлари мумкин. Кечагидан қолган минестрони эртаси куни тўйимли таомга айлантириш учун унга қотган нон солиш кифоя.
Саримсоқ кўп ишлатилмайди
Италян таомлари бир тонна саримсоқни талаб қилади, деган нотўғри тушунча мавжуд. Дарҳақиқат, машҳур ошпазларнинг таъкидлашича, саримсоқни ресторан менюсида ёки уйда пиширилган таомларда аниқлаш деярли мумкин эмас. Италия ошхонасида таъм хусусиятлари янада нозик ва саримсоқ ҳар доим ҳам керак бўлавермайди. Ҳамма нарса меъёрида бўлиши лозим.
Гуруч тинмай аралаштириб турилади
Италияликлар пиширадиган гуруч дунёдаги бошқа гуручли таомлардан фарқ қилади - қаймоқли соусда дона-дона бўлиб туради. Бунинг сири гуруч крахмалидан фойдаланишдир.
Анъанага кўра, рисотто тайёрлаш жараёни ўсимлик ёғида ёки сариёғда қовурилган калта донли гуручдан, лаззат қўшиш учун озгина тўғралган пиёз билан бошланади. Шундан сўнг гуручга аста-секин булён қўшилади, ошпаз эса гуруч тез қайнаб кетмаслиги учун тинмай аралаштириб туради. Доимий ҳаракат гуручларнинг оз миқдоргиа суюқликда бир текис пишишини таъминлайди.
Ҳар бир соус учун алоҳида макарон тури танланади
Одатда одамларда макарон шаклларининг кичик рўйхати бўлади: спагетти, пенне, ригатони, лингуини. Италияда макарон дунёси мавжуд ва ҳар бир тур маълум бир соусга мос келади.
Спагетти синдирилмайди
Узун макарон тайёрлашнинг яна бир севимли усули - уни товага бутунлай сиғиши учун бўлакларга бўлисг. Лекин асл узунлиги жуда муҳим. Пиширилган спагеттини вилка билан майдалаганингизда, узун макарон соусни кўпроқ ўзига сингдиради ва таом янада мазали бўлади. Макаронни бутун узунлиги бўйлаб пишириш учун спагеттини қайноқ сувга солисг ва пастки қисми юмшоқ бўлиши билан қуруқ томонини пастга қаратиб қисқичлар билан айлантириш керак.
Pizza учун моцарелла пишлоғи ишлатилади
Моцарелла пишлоғи ёғли бой ва осон эрийди. Шунинг учун италияликлар асосан ундан пица тайёрлаш учун фойдаланадилар. Янги моцарелла — энг яхши вариант, чунки у қаймоқ таъмига, юмшоқ тузилишга эга, шунинг учун хамирда яхши эрийди.
Соуслар ҳавончада тайёрланади
Биз пазандачилик соҳасидаги ишимизни сезиларли даражада осонлаштирадиган қулай ошхона жиҳозларига ўрганиб қолганмиз. Озиқ-овқат комбайнлари ва блендерлар турганда улар ҳавонча каби эскирган соус тайёрлаш усулларидан фойдаланади. Аммо макарон ва соуслар техникада пиширилганидан кўра мазали бўлиб чиқади. Ахир нафақат натижа, балки жараён ҳам муҳим.
Кечаги макаронни иситилмайди
Италияликлар қолган макаронни қайта қиздирмайдилар. Бунинг ўрнига кечаги макарондан бошқа таом тайёрлайдилар. Италияда қолган макарон одатда пастиччо тайёрлаш учун майдаланган, моцарелла, қайнатилган тухум ва сабзавотлар каби бошқа ингредиентлар билан пиширилади ёки тухум билан аралаштирилади ва фриттата ди маcчерони деб аталадиган тортилия турига айланади.
Кам порсия ейилади
Италияликларга кўра, одамлар дуч келадиган муаммо шуки, улар жуда катта порсия пиширишади. Италияликлар юзлаб йиллар давомида макарон истеъмол қиладилар, аммо улар семиришмайди. Италияда макароннинг ўртача порсияси 75-80 г, бошқа одамлар кўпинча 150-200 г порсияни истеъмол қиладилар.Маслаҳат: Макаронни пиширишдан олдин ҳар доим ўлчаб олинг.
Мавсумга қараб таом тайёрланади
.png)
Италияликлар таомни мавсумга қараб пиширишади ва Италиянинг ҳар бир минтақаси турли хил ингредиентлардан фойдаланади. Бу шуни англатадики, маҳсулотлар ҳозир бозорда янги бўлган нарсага қараб ўзгариши керак. Янгилик таомнинг сифатига катта таъсир кўрсатади.
Изоҳ (0)