Россия Ҳиндистонга максимал миқдорда нефть етказиб бермоқда

Россия Хитой талабининг тикланишига қарамай, Ҳиндистонга максимал миқдорда нефть етказиб беришда давом этмоқда. Февраль ойида Нью-Деҳли Россиядан кунига тахминан 1,85 миллион баррел нефть импорт қилган. Бу ҳақда Bloomberg Кpler маълумотларига таяниб хабар берди.

Агентлик таъкидлашича, Европа Иттифоқи ва Қўшма Штатлар томонидан санкциялар жорий этилгунга қадар Ҳиндистон амалда Россия нефтини сотиб олмаган. 

Февраль ойида Россиянинг мамлакатга импорти кунига 2 миллион баррелни ташкил этиши мумкин бўлган максимал даражага етди. 

Халқаро энергетика агентлиги (IEA) маълумотларига кўра, Ҳиндистонда Россия нефтига бўлган талаб 2023 йилда кунига тахминан 900 мингга ошади. 

Мутахассисларнинг қайд этишича, Россия нефти бор танкерлар Ҳиндистонга ўртача 35 кунда етиб боради. Шу билан бирга, Хитойга нефть жўнатиш 40-45 кун давом этади.

Денгиздаги нефть таъминоти учун нарх чегараси кучга киргандан сўнг, эмбаргога дуч келган Россия ресурсининг катта қисми Хитой ва Ҳиндистонга йўналтирилди. 

IEA маълумотларига кўра, 2022 йил декабрь ойида Россия нефть ва нефть маҳсулотларининг Ҳиндистонга экспорти кунига 1,6 миллион баррелни ташкил этди. 

Bloomberg маълумотларига кўра, Ҳиндистон нефтни Россиядан чегирма билан сотиб олади ва қайта ишлангач, ёнилғини Европага жўнатади.