Зендая телевидениеда энг юқори гонорар тўланадиган актрисалардан бирига айланди

Зендая HBO компанияси билан қайта шартнома имзолади. Эндиликда актриса “Эйфория” сериали учинчи мавсумининг ҳар бир эпизоди учун тахминан 1 миллион доллар гонорар олади, деб хабар бермоқда “Правила жизни” нашри.

Оммавий ахборот воситалари маълумотларига кўра, сериалнинг иккинчи фаслини суратга олиш жараёнида Зендая ҳар бир эпизод учун 500 минг доллар гонорар олган. Гонорарнинг икки бараварга ошиши актрисани телевидениедаги энг кўп ҳақ тўланадиган актрисалардан бирига айлантирди.

Пуcк News нашри Жон Красинскийни энг кўп ҳақ тўланадиган телеюлдуз деб атаган. Нашрнинг ёзишича, у “Жек Райан” лойиҳасида рол ижро этган актёр ва ижрочи продюсери сифатида ҳар бир эпизод учун 2 миллион доллар ҳақ тўланган.

Кевин Костнер “Еллоустоун” сериалидаги ҳар бир эпизод учун 1,2 миллион доллар миқдорида гонорар олгани маълум бўлган. “Тед Лассо” лойиҳаси юлдузи Жейсон Судейкис, Элизабет Мосс (“Порловчи” сериалидаги образи учун), Майкл Китон (“Синдириш” лойиҳасидаги роли), Харрисон Форд ва Хелен Миррен (“1923”) ҳам ҳар бир эпизод учун 1 миллион доллардан ҳақ олган.