Тошкент шаҳрининг икки туманида таъмирлаш ишлари сабабли газ таъминоти вақтинча тўхтатилади. Бу ҳақда “Ҳудудгаз Пойтахт” газ таъминоти филиали матбуот хизмати хабар берди.
Хабарга кўра, Мирзо Улуғбек тумани Қорасув-1 даҳаси ҳудудидан ўтган ерусти д-76ммли, паст босим газ қувурига дарахт синиб тушиши натижасида газ қувури эгилиб қолгани туфайли тўғрилаш ишлари режалаштирилган. Шу сабабли 1 март куни соат 10:00 дан 18:00 га қадар тумандаги Қорасув-1 даҳасидаги 40 та кўп қаватли уйдаги жами 2400 та аҳоли хонадонида табиий газ таъминоти вақтинчалик тўхтатилади.
Шунингдек, Яшнобод тумани “Мухтор Ашрафий” МФЙ, Мухтор Ашрафий кўчасидаги д-76ммли, ўрта босим газ қувури зулфинини таъмирлаш ҳамда газ хавфсиз жойга кўчириш ишлари режалаштирилган. Шу сабабли жорий йилнинг 1 март куни соат 10:00 дан 17:00 га қадар тумандаги “Мухтор Ашрафий” МФЙдаги 70 та уй хўжалигида табиий газ таъминоти вақтинчалик тўхтатилади.
Таъмирлаш ишлари якунлангач табиий газ таъминоти қайта тикланади. Етказилаётган ноқулайликлар учун “Ҳудудгаз Пойтахт” газ таъминоти филиали истеъмолчилардан узр сўраган.
Изоҳ (0)