АҚШ Марказий разведка бошқармаси (МРБ) директори Уилям Бернс Россия президенти Владимир Путин армиясининг Украинани ўзига бўйсунтириш қобилиятига “жуда ишонганини” айтиб, Путинни келажакда нималар кутаётганини прогноз қилди. Бу ҳақда Associated Press хабар берди.
“Ўйлайманки, Путин ҳозир Украинани йўқ қилиш қобилиятига ҳаддан ташқари ишонади”, — деб тушунтирди Бернс.
АҚШ разведка директори Путин маълум вақтда ошиб бораётган харажатларга дуч келишини таъкидлади. Россия раҳбари урушда ҳалок бўлган рус аскарлари тобути Россиянинг энг қашшоқ ҳудудларига қайтарилиши билан юзлашиши айтилди.
Марказий разведка бошқармаси маълумотларига кўра, айнан ўша ердан кўп одамлар урушга сафарбар қилинган, улар тирик қурбон сифатида жанг майдонига ташланган. Бернснинг таъкидлашича, Путин қурбонлар, тактик камчиликлар ва Россия иқтисоди ва обрўсига путур етганига қарамай, урушни давом эттиради.
Россия президенти АҚШнинг Украинани қўллаб-қувватлашга бўлган қатъиятини паст баҳолаётганини таъкидлади. Бернс Путин америкаликларнинг “диққатини жалб қилишда” “муаммоси” бор деб ҳисоблашини ва АҚШ кейинчалик эътиборини “бошқа масалага қаратишига” ишонишини айтиб, бу фикрни рад этди.
Изоҳ (0)