Январь ойида пойтахтда ижаранинг ўртача нархи деярли ўзгармади ва 2022 йил декабрь ойида 1,4 фоизга бироз пасайган ҳолда 1 кв м учун 10,1 доллларни ташкил этди. Бу ҳақда “Дарё”га Иқтисодий тадқиқотлар ва ислоҳотлар маркази хабар бермоқда.
Ижаранинг энг юқори нархлари пойтахтнинг Шайхонтоҳур (15,7 долллар), Яккасарой (11,8 долллар) ва Миробод (12,2 долллар) туманларида қайд этилди.
Ижаранинг нисбатан паст нархлари Учтепа (8 долллар), Сергели (6,9 долллар) ва Бектемир (6 долллар) туманларида қайд этилди.
Шу билан бирга, 2022 йилнинг мос даврига келиб, Тошкент шаҳрида ижаранинг ўртача нархи деярли 25 фоизга ошди.
Ўтган йилнинг январь ойидан буён уй-жойларни ижарага бериш бўйича энг юқори ўсиш суръатлари Шайхонтоҳур (56,7 фоиз), Сергели (29,9 фоиз) ва Чилонзор (25,8 фоиз) туманларида қайд этилган.
Иккиламчи кўчмас мулк бозори
Ҳисоб-китобларга кўра, мамлакатда январь ойида иккиламчи уй-жой бозорида 1 кв м учун уй-жой нархининг ўртача ўсиши ойига 0,9 фоизни ташкил этган бўлса, 2022 йил январь ойидан буён 20,2 фоизга ўсди.
Йил бошидан буён Навоий — 29,3 фоиз ва Фарғона — 29 фоиз вилоятларида ва Тошкент — 28,3 фоиз шаҳрида уй-жой нархининг сезиларли ўсиши кузатилди.
Тошкент шаҳрида иккиламчи бозорда январь ойида нархларнинг ўсиши ойига 1,9 фоизни ташкил этди.
Энг юқори ўсиш суръатлари Юнусобод — 2,9 фоиз, Олмазор — 2,8 фоиз ва Шайхонтоҳур туманларида — 2,7 фоиз қайд этилди.
2022 йил январь ойидан бошлаб Тошкент шаҳрида иккиламчи уй-жойларнинг ўртача нархи 28,3 фоизга ошди.
Изоҳ (0)