Хоразм вилояти Янгибозор тумани ҳокими Ўктам Қурбонов 15 февраль куни лавозимидан озод этилди. Бу ҳақда ЎзА хабар берди.
У 2020 йил 14 март куни Янгибозор тумани маъмурияти раҳбарлигига тайинланган. 2018 йилдан бери туманга ҳокимлик қилиб келган Ўктам Машарипов Ҳазорасп тумани ҳокими этиб тасдиқланган.
Ўктам Қурбонов 1960 йил 5 ноябрь куни Хоразм вилояти Шовот туманида туғилган. 1983 йилда Тошкент ирригация ва қишлоқ хўжалигини механизациялаш институтини тамомлаган. Маълумоти бўйича мутахассислиги: муҳандис-механик.
2007—2012 йилларда “Ўзкейссервис” қўшма корхонаси Хоразм вилояти филиали раҳбари, 2012—2018 йилларда Ҳазорасп тумани ҳокими, 2018—2020 йилларда Хоразм вилояти ҳокимининг қишлоқ ва сув хўжалиги масалалари бўйича ўринбосари лавозимларида ишлаган.
Изоҳ (0)