Машҳур хонанда Рианна 2022 йилнинг 13 май куни биринчи фарзандини дунёга келтирган эди. У ҳалигача ўғлининг исмини оммадан яширади. Барбадослик қўшиқчи Рианна ва унинг севгилиси, рэпер А$AP Rocky иккинчи фарзандини кутмоқда, деб хабар бермоқда People нашри.
.jpg)
Хонанданинг ҳомиладор эканлиги Super Bowl‘нинг танаффусидаги чиқишида маълум бўлди. У Loewe брендининг ёрқин қизил рангли комбинезонида саҳнага чиқди. Шундан кейин унинг иккинчи маротаба она бўлиши ҳақида хабарлар тарқалди.
Кейинчалик хонанданинг севгилиси унинг ҳомиладор эканлиги ҳақидаги маълумотни тасдиқлади. Қайд этилишича, Рианна ўз чиқишлари давомида энг машҳур хитлари — BBHMM, Wild Thoughtsʼдан Umbrella ва Diamonds тароналаригача ижро этган. Маълумот ўрнида, бу юлдузнинг сўнгги беш йил ичидаги илк чиқишидир.
Изоҳ (0)