“Толибон” ҳукумати аёлларнинг таълим олишини тақиқлаш борасида келишмовчилик юзага келди, Бу ҳақда маҳаллий журналист Сами Юсуфзайга таяниб, Sputnik хабар берди.
Манбага кўра, Вазирлар Маҳкамаси “Толибон”нинг амалдаги етакчиси Ҳайбатулла Охундзода номига чекловларни бекор қилиш талаби билан хат йўллаган. “Толибон” етакчиси эса мактубга қисқа жавоб қайтарган.
“Агар шариат бўйича 12 ёшдан ошган қизлар уйдан ёлғиз чиқиб кетиши мумкинлигини исботласангиз, аёлларга ўқишга рухсат бераман”, — деган Охундзода.
Афғонистонда “Толибон” ҳокимиятга келганидан сўнг кўплаб қизларнинг мактабга боришини тақиқлаган, 2022 йил декабрида эса Олий таълим вазирлиги аёлларнинг олий маълумот олишига тақиқ жорий қилган. Бу қарор “Толибон” ҳукумати орасида норозиликка сабаб бўлган, қаршилик шу даражада жиддийлашганки “Толибон”нинг юқори мартабали амалдорлари Охундзодани тахтдан ағдаришни кўриб чиқмоқда.
Агар “Толибон” етакчиси тахтдан ағдарилса, унинг ўрнини Афғонистон бош вазири Абдул Ғани Бародар эгаллаши кутилмоқда. Бу бўйича дастлабки музокаралар олиб борилмоқда.
Изоҳ (0)