Укол қилишни кўп одам хуш кўрмайди. Вазият тақозоси билан бу ишни бажарса-ю, инексия ўрнида оғриқ пайдо бўлса, бу янада ёқимсиз ҳолат. Инексия жойининг оғриғига нима сабаб бўлиши мумкин? Бу борада нималарни билиш муҳим?
Мушак ичига қилинган инексиядан кейин оғриқ қуйидаги сабабларга кўра пайдо бўлади:
- Нотўғри қилинган инексия техникаси туфайли яллиғланиш;
- Дори-дармонларга аллергик реакция;
- Препарат узоқ вақт давомида сўрилади, бу эса оғриқли шиш пайдо бўлишига олиб келади.
Агар оғриқ дори аллергиясидан келиб чиқса, инексия жойи нафақат оғрийди, балки қичишади ҳам. Оғриқ пулсацияланувчи характер билан пайдо бўлса, бу яллиғланишдир. Дори-дармон қолдирган шишни қўл билан енгил босиш орқали сезиш мумкин.
Борди-ю инексия жойи оғриса, шу билан бирга ҳарорат кўтарилса ёки шиш, йиринглаш, кучли қизариш кузатилса, дарҳол шифокор кўригидан ўтиш зарур. Бу йирингли яллиғланиш жараёни бўлиши мумкин. У ҳолда ўз-ўзини даволашга ҳаракат қилиш хавфлидир.
Инексиядан кейин пайдо бўладиган оғриқнинг олдини олиш мумкинми?
Сифатли шприс ва препаратни секин-аста мушак ичига юбориш инексиядан кейин оғриқли шиш пайдо бўлишининг олдини олишга ёрдам беради.
Препарат мушак ичига чуқур кириб бориши учун етарлича узунликдаги игнали шприсдан фойдаланиш керак, яъни ҳажми камида 5 миллилитр.
Асоси ёғ бўлган дориларни инексия қилишда ампулани қўлларингиз кафтларида ёки илиқ сувда иситиш лозим. Уни совуқ шаклда киритиш туфайли оғриқли шиш, ҳатто, яллиғланиш пайдо бўлиши ҳеч гап эмас.
Яхшиси, инексия қилишни тажрибали мутахассисга топширган маъқул. Агар асаб толасига тегиб юборсангиз, бемор узоқ вақт оғриқдан азият чекишига тўғри келади.
Препарат яхшироқ сўрилиши учун уни бўшашган мушак ичига юбориш керак. Бунинг учун энг яхши ҳолат юзтубан ётишдир.
Агар мушак ичига инексия курсини ўтказиш керак бўлса, жойни ҳар куни ўзгартириш керак, яъни чап ва ўнг ёнбошда навбат билан инексия қилган яхши. Кўпроқ юрсангиз, дори тезроқ сўрилади.
Инексия қилинган жой оғрияпти. Халқона усуллар ёрдам берадими?
Агар ҳўппоз ва иситма бўлмаса, лекин инексия жойида оғриқ сезилса, оғриқ қолдирувчи воситаларни қабул қилиш, тасдиқланган усуллардан бирини қўллаш мумкин:
- Карам баргини ювинг, енгил уриб, оғриқли жойга бостиринг. Бир кун ёки камида бир кеча қолдиринг;
- Асалга аллергия бўлмаса, ун билан асалдан хамир тайёрлаб, уни компресс сифатида қўлласа бўлади. қоришмани оғриқ устига қўйиб фолга билан ёпинг, устидан боғлаб, бир кеча кутинг. Эрталаб ювиб ташланг;
- Қирғичдан ўтказилган турп ва асалдан компресс қилинг, оғриқ жойига уч соат ушланг;
- Кефир ёки шакарсиз ёгуртга пахта ёки тампонни ботириб олинг. Оғриқ устига суриб, устидан плёнка ёпинг ва бир соатга қолдиринг.
Инексия жойининг нима учун оғриётганини англаган ҳолда халқона усуллар ва тиббий воситалар ёрдамида аҳволингизни енгиллаштиришингиз мумкин. Бироқ, баъзи муолажалар қатъиян тавсия этилмайди. Масалан, оғриқли жойни, шу жумладан ҳаммом ёки саунада қиздириш. Бу яллиғланиш жараёнининг кучайишига олиб келади. Инексия қилинган жойни массаж қила олмайсиз. Агар унинг остида ҳўппоз бўлса ва у ёрилиб кетса, қонни заҳарлайди.
Спиртли компресслардан фақат оғриқлар препаратнинг секин сўрилишидан келиб чиққанлигига ишонч ҳосил қилган тақдирдагина фойдаланиш тавсия этилади. Яллиғланиш жараёни бўлса, у бу билан фақат кучаяди.
Эҳтиёт чораларини кўриш ва оғриқни тўғри бартараф этиш орқали сиз 2-3 кундан кейин унинг йўқолишига эришишасиз. Кичкина шиш ҳали кетмаса, даволаниш курсини давом эттириш мумкин, шиш вақт ўтиб йўқолиб кетади.
Мавзуга доир:
Изоҳ (0)