Рамзан Қодиров “Ахмат” махсус кучлари командирини заҳарлашга уринишгани ҳақида маълум қилди

Чеченистон раҳбари Рамзан Қодиров ўз ёрдамчиси, “Ахмат” махсус кучлари командири Апти Алаудиновга суиқасд уюштирилгани ҳақида айтиб берди.

Қодировнинг сўзларига кўра, 8 февраль куни Алаудиновнинг хизматчи офицери генерал учун хабар юборилган конвертни олган. Конверт заҳарли моддадан иборат бўлган.

“Апти Аронович заҳарнинг ўзига хос ҳидидан буни тушунди ва ўз вақтида чора кўрди: қўлларини дизинфекция қилиб, бурун бўшлиғини ювди. Конвертни ушлаган генералнинг хизматчилари ҳам шундай қилишди”, — деб ёзади Чеченистон раҳбари ўзининг Telegram-каналида.

“Заҳарланганлар тиббий батальонга ётқизилди, у ерда бошлиқ ва икки нафар ҳарбий шифокорнинг — улардан бири профессионал токсиколог бўлиб чиқди — сай-ҳаракатлари натижасида оғир оқибатларнинг олди олинди”, — қўшимча қилган Қодиров.

У суиқасд айнан қаерда содир бўлганига аниқлик киритмади.

Олдинги хабарларига кўра, февраль ойи бошида Алаудинов Украинада урушда бўлган. Ҳозир у ва унинг офицерлари Москвадаги клиникалардан бирида даволанмоқда.