Бир ярим йилдан буён Тошкентдаги гемотология марказида даволанаётган урганчлик Амирбек Бекбергановнинг онаси Зуҳра Алимова “Меҳридарё” лойиҳасига мурожаат қилиб, халқ кўмагига муҳтож эканини бирдирди.
— 2021 йилнинг октябрь ойида ўғлим Амирбекда оққон хасталиги аниқланди. Бир йилдан буён Республика гемотология марказида даволаниб келаяпти. Шифокорлар ёрдами билан аҳволи анча яхшиланганди, аммо май ойида яна қайталанди. Шундан сўнг шифокорлар кимётерапия бошлаш кераклигини айтди. Саккиз марта кимётерапия амалиётини олганимиздан сўнг таҳлилларни Ҳиндистонга жўнатдик. Шундан сўнг ўғлимга донаси 1200 АҚШ доллари турадиган доридан бир курс олиши кераклигини айтишди. Бу дори касалхонадан берилмагани учун ўзимиз сотиб олишимиз керак. Чорва молларимизни сотиб ҳозирча 3 та олиб, аппарат ёрдамида ўғлимга жўнатишяпти. Бу доридан жами 8 та олишимиз керак.
Янги йил байрами олди фарзандим жонлантириш бўлимига тушиб қолди. Уни йўқотиб қўйишдан жуда қўрқдим. У ҳолатимни сўз билан тасвирлаб беролмайман. Тинимсиз оғриқлар бўлади, иштаҳаси йўқ, баъзан гапиришга ҳам ҳоли бўлмайди.
Амирбек ёлғиз фарзандим. Икки фарзандимни тупроққа қўйганман. Бу гапларни айтиш мен учун жуда оғир. Аммо фарзандимнинг соғайиб кетиши учун бор имкониятдан фойдаланишимиз керак. Яхши инсонлар кўп, ишонаманки улар, албатта, ёрдам беришади. Имконияти бор инсонлар ўғлимнинг соғайиб кетишига сабабчи бўлинглар. Ҳаққига дуо қилиб, соғайиб кетишини сўранглар, — дейди беморнинг онаси Зуҳра Алимова.
Бекберганов Амирбекга хайрия қилиш истагида бўлсангиз,
Изоҳ (0)