Тошкент шаҳри Олмазор туманида 8 февраль куни “Сув таъминоти” ходими тупроқ босиб қолиши оқибатида вафот этди. Бу ҳақда Бош прокуратура матбуот хизмати хабар қилди.
Қайд этилишича, туманнинг “Университет” маҳалласида “Сув таъминоти” ходимлари аҳолининг мурожаатига асосан, мазкур ҳудудда 600 миллиметрлик қувур ёрилгани бўйича носозликни бартараф этиш учун келган. Иш жараёнида “Сув таъминоти”да чилангар бўлиб ишлаган Т.К. (1984 йилда туғилган) тупроқ босиб қолиши оқибатида ҳалок бўлган.
Воқеа жойига тергов-тезкор гуруҳи аъзолари келиб, ҳудуд кўздан кечирилган. Шунингдек, ҳолат юзасидан суд-тиббий экспертизаси тайинланган.
Ҳозирда мазкур вазият бўйича Олмазор туман прокуратураси томонидан терговга қадар текширув ҳаракатлари олиб борилмоқда.
Изоҳ (0)