Ўзбекистон Фавқулодда вазиятлар вазирлиги қутқарувчилари Туркияда рўй берган талофатли зилзила оқибатида вайроналар остида қолган яна икки нафар жабрланганларнинг ҳаётини сақлаб қолди.
Фавқулодда вазиятлар вазирлиги ходимлари иштирокида қидирув-қутқарув ишларининг бориши тўғрисида янги маълумотлар келиб тушган. Улар шу кунларда 6 февраль куни Туркиянинг бир қатор минтақаларида содир бўлган кучли зилзила оқибатларини бартараф этишда иштирок этмоқда.
Яқинда Ҳатай вилоятида вайроналарни ажратиш пайтида қутқарувчилар яна икки нафар жабрланганни тириклайин олиб чиқишди. Бундан ташқари, сўнгги бир неча соат ичида бизнинг қутқарувчилар яна 18 нафар ҳаётдан кўз юмган инсонларни харобалар остидан олиб чиқишди.
Шундай қилиб, қидирув-қутқарув операцияси бошланганидан буён Ўзбекистон ФВВ қутқарувчилари томонидан жами 11 нафар жабрланган ва 33 нафар ҳалок бўлганлар вайроналар остидан чиқарилди.
Изоҳ (0)