Ўзбекистонда доллар курси олти кунлик кўтарилишдан сўнг пастлади

Марказий банк хорижий валюталарнинг ўзбек сўмига нисбатан 10 февралда амалда бўладиган қийматини эълон қилди.

Унга кўра, долларнинг расмий курси 19,99 сўмга пастлаб, 11 350,12 сўмни ташкил қилди. Евро 11,28 сўмга тушиб, 12 217,27 сўм бўлди. Рубл 2,63 сўмга пастлаб, 156,09 сўм бўлди.

Бундан аввал доллар курси кетма-кет олти кун кўтарилиб, 11 370,11 сўмни ташкил қилганди. Евро ҳам ошиб, рубл пастлаганди.