“ПСЖ” ҳужумчиси Лионель Мессининг акаси футболчи “Барселона”ни машҳур қилди деб ҳисоблайди.
“Мессига қадар “Барселона”ни ҳеч ким танимас эди. Леога тўлаганлари эса жуда кам эди.
Барселонага бориб, клуб музейини томоша қилган одам биладики, бу Мессининг музейи”, — дейди Матиас Месси.
Лионель Месси “Барселона” тарбияланувчиси ҳисобланади. У 2000 йилдан 2021 йилга қадар клуб тизимида ҳаракат қилган, 2003 йилдан эса асосий жамоада ўйнаган. У каталон клуби билан Испания чемпионати (10), Испания Кубоги ва Суперкубоги (7 тадан), Чемпионлар Лигаси (4), Европа Суперкубоги ва клублар ўртасидаги Жаҳон Чемпионати (3 мартадан) бош совринларини қўлга киритган.
Месси “ПСЖ”га қадар “Барселона”дан бошқа жамоада ўйнамаган. У “кўк-анорранглилар” сафида умумий ҳисобда 778 та ўйин ўтказиб, 672 та гол ва 305 та голли узатмани амалга оширган. Унинг жамоа билан қўлга киритган совринлари сони эса 35 тани ташкил қилади.
Изоҳ (0)