Бўстонлиқда лой кўчкиси содир бўлди (фото)

Тошкент вилояти Бўстонлиқ тумани ҳудудида лой кўчкиси содир бўлди. Бу ҳақда вилоят Ички ишлар бош бошқармаси ахборот хизмати хабар берди.

Қайд этилишича, 4Р6 Тошкент—Қибрай—Чирчиқ—Чимён автомобиль йўлининг 59–60- километрлари оралиғида “Чимён” дам олиш масканига олиб борувчи йўлда лой кўчкиси содир бўлган.

Ҳодиса оқибатида ҳеч кимга тан жароҳати етгани йўқ. Қисқа вақт ичида автомобиль йўли тўлиқ тозаланиб, транспорт воситаларининг ҳаракатланишига рухсат берилган. Айни ноқулай об-ҳаво шароитида барча ҳаракат қатнашчиларидан эҳтиёткор бўлиш сўралмоқда.