Украинадаги уруш дунё ва АҚШ учун “аср синови”, деди АҚШ президенти Жо Байден Конгрессга йўллаган йиллик мурожаати чоғида. Байденнинг нутқи Оқ уй сайтида трансляция қилинди.
“Бу можаро Иккинчи жаҳон уруши пайтида Европа бошига тушган ўлим ва вайронагарчилик манзараларини жонлантирмоқда. Бу аср синовига айланди. Америка учун, бутун дунё учун синов”, — деди у.
Америка етакчиси Қўшма Штатлар “омон қолишга” муваффақ бўлгани ва глобал коалиция тузгани, НАТОни “тажовуз”га қарши бирлаштирганини таъкидлади.
Байден Вашингтон украиналиклар билан “қанча вақт керак бўлса” шунча қўллаб-қувватлашга ваъда берди. Унинг таъкидлашича, АҚШ “нафақат Европада, балки ҳамма жойда янада кўпроқ эркинлик, каттароқ қадр-қиммат ва тинчлик ўрнатилиши учун” ҳаракат қилмоқда.
Изоҳ (0)