“ПСЖ” Лионель Месси билан шартномани тезроқ узайтиришга уринмоқда 

Франциянинг “ПСЖ” жамоаси Лионель Месси билан шартномани узайтиришни истамоқда.

ЖЧ—2022 финалидан олдин Мессининг вакиллари ва “ПСЖ” раҳбарияти учрашув ўтказган. 

Ўшанда томонлар ҳамкорликни давом эттириш бўйича келишувга эришган ва фақатгина шартномани имзолаш ишлари қолганди. Ушбу учрашувда эса шартнома муддати ва молиявий томонлари муҳомака қилиниши лозим эди. 

Журналист Фабрисио Романинг хабарига кўра, Мессининг вакиллари ва “ПСЖ” томон февраль ойида яна бир учрашув ўтказади. Футболчининг агентлари шартномани узайтириш масаласи учун Парижга парвоз қилади. Бунга қадар барча муҳокамалар онлайн тарзда ўтказилаётган эди.

Томонлар шартнома тезроқ узайтирилишини истамоқда. Ҳозирда Месси “ПСЖ”дан бошқа клублар билан музокара ўтказмаяпти. 

Аргентиналик ҳужумчи жорий мавсум “ПСЖ” сафида барча мусобақаларда 23 та ўйинда иштирок этиб, 14 та гол ва 14 та голли узатмага муаллифлик қилди.