Кекса ёшда ҳам организмнинг саломатлигини таъминловчи овқатланиш одатлари
“Новий очаг” нашри соғлом ва узоқ умр кўришга ёрдам берадиган жуда оддий, лекин муҳим одатларни санаб ўтди.
Инсон саломатлиги нафақат ирсият ва турмуш тарзи, балки нима ва қандай овқатланиш билан ҳам белгиланади. Ҳатто бугунги кунда овқатланиш одатларидаги кичик ўзгаришлар ҳам келажакда катта натижаларга олиб келиши мумкин. Масалан, саломатлик ва энергия даражаси айниқса муҳим бўлган ёшда. Ушбу оддий одатларни амалга ошириш орқали кўп йиллар ўтиб ҳам организмни соғлом сақлаб қолиш мумкин.
Омега-3 га бой маҳсулотларни истеъмол қилинг
Баъзи парҳезшунослар ёшларнинг омега-3 ёғини қабул қилишга чақиради, чунки бу ёғ кислотаси ёмон холестерин даражасини пасайтиради, яллиғланиш билан курашишга ёрдам беради, саратон, юрак хуружи ва инсулт хавфини камайтиради. Бундан ташқари, омега-3 кекса ёшда ҳам миянинг фаол бўлиши учун жуда фойдали. Тадқиқотлар шуни тасдиқладики, бу сеҳрли ёғ кислотасидан тўлиқ фойда олиш учун ҳафтада икки порсия ёғли балиқ истеъмол қилиш етарли.
Кўпроқ клетчатка истеъмол қилинг
Клетчатка ва табиий хун толаси бўлган сабзавот ва дуккакли экинлар вазнини назорат қиладиганлар учун фойдалидир. American Journal of clinical Nutrition журналида чоп этилган тадқиқотга кўра, кунига 10 грамм клетчатка истеъмол қилиш юрак-қон томир касалликларидан ўлиш хавфини 17 фоизга камайтиради. Бундан ташқари, клетчаткалар қонда шакар даражасини соғлом сақлашга ёрдам беради, саратон хавфини камайтиради ва юрак саломатлигини қўллаб-қувватлайди.
Рангли мева ва сабзавотларни истеъмол қилинг
Таомлар ҳақиқатан ҳам фойдали бўлишини хоҳлайсизми? Унда рангли мева ва сабзавотларни истеъмол қилиш тавсия этилади. Мева ва сабзавотларга ранг берадиган антиоксидант ва махсус моддалар организм ҳужайраларини шикастланишдан ҳимоя қилади ва қариш белгиларига қарши курашади. Кунига камида учта рангли сабзавот ҳамда мева ейишга ҳаракат қилиш лозим.
Зайтун ёғидан воз кечманг
Зайтун ёғи Ўрта Ер денгизи парҳезининг ажралмас қисми бўлиб, соғлом ва узоқ умр кўришга ёрдам берадиган маҳсулот деб аталади. Зайтун ёғи кўкрак ва йўғон ичак саратонидан ҳимоя қилувчи полифенол антиоксидантларини ўз ичига олади. Бундан ташқари, кексаликда зайтун ёғини мунтазам истеъмол қилиш инсулт хавфини 41 фоизга камайтириши мумкин. Фақат зайтун ёғи қиздирилганда барча фойдали хусусиятларини йўқотадиган маҳсулотдир.
Гуручни камроқ истеъмол қилинг
Жигарранг гуруч клетчатка ва магнийнинг ажойиб манбаи ҳисобланади. Бу қандли диабет, юрак хасталиги ва ҳатто саратоннинг айрим турлари хавфини камайтиришга ёрдам беради. Аммо оқ гуруч фақат калория бўлиб, ундан ҳеч қандай фойда йўқ.
Оқсилни камайтириб юборманг
Оқсил — бу организм ҳар куни шикастланган ҳужайраларни тиклаши мумкин бўлган асосий материалидир. Кундалик рационнинг камида учдан бир қисми ўсимлик ёки ҳайвонлардан олинган оқсил бўлиши керак. Қанчалик ёш ўтиб борса, оқсилнинг аҳамияти организм учун шунчалик ортиб боради.
Суюқлик ичинг
Етарли миқдорда суюқлик ичиш ичакларнинг яхши ишлашига ёрдам беради, бўғимларни мойлайди (бу айниқса катталарда муҳим аҳамиятга эга), метаболизмни сақлашга ёрдам беради ва ҳатто кайфиятни яхшилайди. Кўпроқ ичиш лозим, чунки сув ҳақиқатан ҳам ҳаётдир!
Мавзуга доир:
- Фақат овқатдан эмас: қорин соҳасида ёғ тўпланишига сабаб бўлувчи 6 та зарарли одат
- Қондаги холестерин миқдорини қандай қилиб камайтириш мумкин?
- Озмоқчи бўлганлар ўтиши керак бўлган 5 та тиббий кўрик
