Туркманистон президенти Сердар Бердимуҳаммедов Ўзбекистонга бепул суюлтирилган газ бериш бўйича фармонни имзолади. Бу ҳақда “Золотой век” газетасига таяниб, UzNews хабар қилди.
Фармонда Туркманистон Ўзбекистонга биродарлик ёрдами сифатида текин газ етказиб бериши қайд этилган.
Ҳужжатга кўра, бу “яхши қўшничилик ва қардошлик муносабатларини янада мустаҳкамлаш” мақсадида амалга оширилган.
Ҳажми ҳозирча номаълум бўлган суюлтирилган газ “Туркмангаз” давлат концернидан олинади.
Изоҳ (0)