Тошкент шаҳри Учтепа туманида 4 февраль куни юк машинада ёнғин чиқди. Бу ҳақда Фавқулодда вазиятлар вазирлиги хабар қилди.
Қайд этилишича, шу куни соат 07:32 да Учтепа тумани “Катта Чўпонота” МФЙ ТХАЙ кўчаси Бўрижар канали устидаги кўприкдан ҳаракатланиб кетаётган “Газел” автомобилида ёнғин юзага келгани тўғрисида шаҳар ФВБга хабар тушган.
Шунга кўра 2 та ёнғин-қутқарув экипажи соат 07:37 да етиб бориб, ёнғин соат 07:43 да бартараф этилган.
Ёнғинда автомобилнинг матор ва салон қисми ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.
Изоҳ (0)