Тошкент вилояти Паркент туманида автокран қулаб тушиши оқибатида машинист вафот этди. Бу ҳақда “Ўзбекистон темир йўллари” ахборот хизмати хабар берди.
Қайд этилишича, янги қурилаётган йўл ўтказгич — темир бетон балканинг оғирлиги 30,6 тонна бўлган. Юкни бир нечта кранлар билан кўтариш оқибатида бахтсиз ҳодиса рўй берган.
Краннинг оғиб кетиши оқибатида машинист тан жароҳати олиб, ходимлар томонидан зудлик билан Паркент тумани шифохонасига ётқизилган. У оғир жароҳатлар олгани сабабли шифохонада вафот этган.
Маълумотларга кўра,“Кўприкқурилиш трести”га қарашли “13-Кўприкқурилиш отряди” МЧЖ билан шартнома имзолаган. Ушбу ҳужжатда буюртмачи томонидан ходимларни кунлик тиббий кўрикдан ва меҳнат муҳофазаси тадбирларини ўтказиши лозим бўлган банд алоҳида кўрсатиб ўтилган.
“ҚЙЛ-йўл кўприк қурилиш таъмир” шартнома бандларига риоя қилмагани, яъни мунтазам равишда хавфсизлик чораларини кўрмагани сабабли ушбу бахсиз ҳодиса рўй берган.
Изоҳ (1)
Daryo.uz da berilayotgan videolarni to'g'ridan to'g'ri joylashtirilsa yaxshi bo'lar edi. Bizga telegram orqali ochib ko'rish bor qancha noqulayliklar tug'diradi.