Ўзбекистонда 2017—2022 йилларда автомобиль ишлаб чиқариш ҳажми 2,3 баробарга ошган 

Прогнозлаштириш ва макроиқтисодий тадқиқотлар институти 2017—2022 йилларда Ўзбекистон саноатини ривожлантиришда эришилган натижалар ҳақида маълумот берди.

Қайд этилишича, саноатнинг мамлакат ЯИМдаги улуши 2017 йилдаги 21,1 фоиздан 2022 йилда 26,7 фоизгача ўсган. 

Саноат ишлаб чиқариш таркиби

Саноат таркиби сифат жиҳатдан ўзгарган. Маҳсулот ишлаб чиқариш 83,2 фоиз бўлса, тоғ-кон соҳасида бу кўрсаткич 9,5 фоизни қайд этган. Шунингдек, коммунал хизматлар соҳасида 6,8 фоиз, сув, канализация, чиқинди соҳасида 0,5 фоиз саноат ишлаб чиқарилган.

Юқори қўшимча қийматга эга маҳсулотлар

Бундан ташқари, 2017—2022 йилларда совутгич ва музлатгич ишлаб чиқариш ҳажми 3,7 баравар ортган. Автомобиль двигателлари 2,5 баравар, енгил автомобиль ишлаб чиқариш 2,3 баравар ўсган.