Бухоро шаҳрида 4 февраль куни Nexia-2 бетон ариққа тушиб кетди. Вилоят Ички ишлар бошқармаси ҳолат юзасидан муносабат билдирди.
Маълум қилинишича, соат 12:30 да учта кўча кесишган айланма ҳаракатда ҳайдовчи Nexia-2 бошқарувини йўқотиб, бетон ариққа тушиб кетган.
Ҳолат юз берган вақтда танспорт воситаси салонида ҳайдовчидан бошқа ҳеч ким бўлмаган. Ҳайдовчи ҳеч қандай тан жароҳати олмаган, транспорт воситасига техник зарар етган.
“Мазкур ЙТҲ юзасидан Бухоро тумани ИИБ ЖХХ ЙҲХБ ходимлари томонидан суриштирув ҳаракатлари олиб борилмоқда. Шу ўринда барча ҳайдовчилардан ноқулай об-ҳаво шароитида белгиланган қоидаларга қатъий риоя қилишларини сўраймиз”, — дейилади хабарда.
Изоҳ (0)