Мадриднинг “Реал” клуби футболчилари Эдер Милитао ва Карим Бензема Ла Лига қолдирилган тури доирасида “Валенсия”га қарши кечган баҳсда (2:0) жароҳат олди.
Бразилиялик ҳимоячи 34-дақиқада рақиб футболчиси билан тўқнашувдан кейин сонидан жароҳат олди ва майдонни тарк этди. 60-дақиқада эса Карим Бензема оёғидаги оғриқ боис захирага олинди.
Клубдагилар Милитаонинг жароҳатидан хавотирда, у жуда жиддий кўринмоқда. Бенземада эса аксинча, шикастланиш жиддий эмас, дея хабар қилмоқда La Saeta Rubia журналист Аранча Родригесга таяниб.
Ҳар икки футболчи 3 февраль куни тиббий кўрикдан ўтади, шундан кейин жароҳатларнинг қай даражада жиддий экани маълум бўлади.
Айни вақтда “Реал”да ҳимоячилар Давид Алаба, Ферлан Менди ва Лукас Васкес жароҳат сабаб лазаретда бўлиб турибди.
Изоҳ (0)