Ўзбекистонда нархларнинг ўсиши суръати январь ойида пасая бошлади

2023 йилнинг январь ойида истеъмол бозоридаги нархларнинг ўртача даражаси 0,8 фоизга ошди. Бу ҳақда Давлат статистика қўмитаси хабар бермоқда.

Мамлакатда йиллик инфляция 0,1 фоизга пасайиб 12,2 фоизни ташкил қилди. 

2023 йилнинг январида товарлар нархи ой давомида 100,9 фоизга, хизматлар 100,7 фоизга ўсди. Йиллик нисбатда товарлар нархи 113,3 фоиз, хизматлар эса 108,4 фоиз даражасида шаклланди. 

Шунингдек, январда озиқ-овқат маҳсулотлари 1 фоизга қимматлаган бўлса, ноозиқ-овқат маҳсулотлар нархи 0,6 фоизга, хизматлар нархи эса 0,7 фоизга ошди. 

Озиқ-овқат маҳсулотлари кесимида йиллик нисбатда гуруч 25,5 фоизга, буғдой 43 фоизга, шакар 40,2 фоизга, тухум 32 фоизга қимматлашди. 

Январь ойининг ўзида пиёз нархлари 44,7 фоизга ошган бўлса, ўтган йилнинг январига нисбатан ушбу маҳсулот 2,8 баробар қимматлашган. 

2023 йилнинг январида ёғлар ва мойлар 0,4 фоизга, шакар, қандолат маҳсулотлари ва десертлар 0,5 фоизга арзонлашган.