Болливуд юлдузи Приянка Чопра ва Ник Жонас илк марта қизининг юзини кўрсатди (фото)

Болливуд актрисаси Приянка Чопра илк марта қизалоғи Малти Марининг юзини кўрсатди.

Приянка Чопра қизалоғи билан Лос-Анжелесдаги тадбирда иштирок этди. Тадбир давомида актрисанинг турмуш ўртоғи Ник Жонас, унинг акалари Кевин ва Жо Голливуднинг Шон-шуҳрат хиёбонидаги ўз юлдузларини тақдим этди.

Малти Марининг суратлари бир зумда ижтимоий тармоқларда тарқалди. Жуфтлик ўз саҳифаларида шахсан эълон қилганидек, 2022 йил 15 январь куни Калифорнияда машҳур жуфтликнинг қизи суррогат она ёрдами билан дунёга келди.

Чақалоқ муддатидан олдин туғилгани учун ҳам жуда заиф эди. Ҳомиладорликнинг олтинчи ойида туғилган чақалоқнинг ота-онаси барча вақтларини янги оила аъзосига бағишлаш учун фаолиятида бироз танаффус қилди. Приянка ва Ник баъзан ўз ижтимоий тармоқларига қизларининг суратларини жойлаштирса-да, унинг юзини кўрсатмас эди.