Фигурали учиш бўйича Ўзбекистоннинг 10 карра чемпиони Татьяна Малининанинг 18 ёшли ўғли АҚШ чемпионига айланди

Фигурали учиш бўйича АҚШ чемпионатида 18 ёшли Илья Малинин олтин медалга сазовор бўлди.

Илья Малинин ўзбекистонлик спортчилар Роман Скорняков ва Татьяна Малининанинг ўғли ҳисобланади.

Татьяна Малинина фигурали учиш бўйича Ўзбекистоннинг ўн карра чемпиони, Осиё ўйинлари ғолиби ва қишки Олимпия ўйинлари иштирокчиси ҳисобланади. Скорняков ҳам фигурали учиш бўйича Ўзбекистон терма жамоасининг собиқ вакили ҳисобланиб, 1998 ва 2002 йилги Олимпиадада иштирок этган.

Илья Малинин 2004 йил декабрда АҚШнинг Виржиния штатида туғилган ва халқаро мусобақаларда Америка байроғи остида қатнашади. У ёшлар ва катталар ўртасидаги бир нечта халқаро мусобақалар совриндори ҳисобланади. Илья 2022 йилда мусобақада тўртталик аксел машқини муваффақиятли бажарган ва буни амалга оширган тарихдаги илк спортчига айланганди.