Тирноқлар саломатлигини тиклашга ва мустаҳкамлашга ёрдам берадиган 6 та маҳсулот

Куз ва қишда организм витамин етишмаслигидан азият чекади, шунинг учун тирноқлар заифлашиб қолади ва ҳатто тез-тез синиб кетади. Marie Claire тирноқлар саломатлигини тиклаш ва янада мустаҳкамлашга ёрдам берадиган маҳсулотлар номини санаб ўтди.

Апельсин

Маълум бўлишича, апельсин шарбати нафақат бутун организм, балки тирноқларни ҳам мустаҳкамлайди. Гап шундаки, апельсинлар бошқа цитрус мевалари каби C витамини ва темирга бой. Ушбу мева тирноқларнинг мустаҳкам бўлишига ва мўртлашувдан қочишга имкон беради.

Тухум

Тухум энг фойдали озиқ-овқатлардан бири экани азалдан маълум. Айтиш мумкинки, бу нафақат тирноқлар учун, балки тери учун ҳам озуқа моддаларининг манбаидир. Тухум таркибида фойдали моддалар мавжуд бўлиб, у табиий гўзалликни сақлаб қолиш учун жуда зарурдир. Бироқ қовурилган тухум ва омлетни кўп истеъмол қилмаслик керак, у аллергияни келтириб чиқариши мумкин.

Ёнғоқлар

Ёнғоқлар нафақат парҳез пайтида ширинликлар ўрнини босувчи, балки тери, тирноқ ва сочлар учун зарур бўлган барча турдаги витамин ва минералларнинг ажойиб манбаидир. Хусусан, ёнғоқлар таркибида рух мавжуд бўлиб, у тирноқларнинг тузилишини тиклайди. Ёнғоқлар антиоксидант ва ёғ кислоталарига бой бўлиб, улар тери ва тирноқларни имкон қадар соғлом сақлашга ёрдам беради.

Денгиз сабзавотлари

Дарҳақиқат, денгиз маҳсулотлари ва балиқлар тирноқ ва соч саломатлиги учун фойдалидир. Денгиз ўтлари ҳам улар каби бу билан бевосита боғлиқ. Улар тирноқларни мустаҳкамлайди, шунингдек, организмни зарарли токсинлардан бутунлай тозалашга қодир.

Исмалоқ

Исмалоқ организмнинг тўлиқ тозаланишига ва натижада, тирноқ каби индивидуал элементларнинг тикланишига ҳисса қўшади. Исмалоқ таркибида кўп миқдорда фолий кислотаси ва темир, шунингдек, B гуруҳи витаминлари мавжуд. Бу соғлом тирноқларнинг тез ўсишига ва бонус сифатида терини мутлақо табиий ёшартиришга ёрдам беради.

Бодринг

Маълумки, бодринг деярли 90 фоиз сувдан иборат бўлиб, бу унинг организмни тозалаш учун айни муддао эканини англатади, чунки сув ҳар қандай тикланишда асосий элемент ҳисобланади. Бодринг организмни ичкаридан намлаши сабабли қўлларда пигментация кўринишини камайтиришга ёрдам беради ва тирноқ пластинкасининг ёрқинлигини таъминлайди.

Мавзуга доир:

• Касал бўлмаслик учун нимани қандай истеъмол қилиш керак: иммунитетни оширишга ёрдам берадиган 4 та маслаҳат
• Тишларнинг тўлиқ эмаслиги: саломатликка таҳдид соладиган 7 та хавф
• Авитаминоз: кекса ёшдаги инсонлар соғлиғида кузатиладиган муаммолар сабаби