Артур Бетербиев англиялик боксчини нокаутга учратиб, камарларини ҳимоя қилди

Проф бокснинг ярим оғир вазн тоифасида (-79,4 кг) WBC, WBO ва IBF камарлари соҳиби Артур Бетербиев (19-0, 19 КО) Ўзбекистон вақти билан 29 январь тонгида ўзининг навбатдаги жангини ўтказди.

Буюк Британиянинг Лондон шаҳрида бўлиб ўтган мусобақада россиялик боксчига маҳаллий спортчи Энтони Ярд (23-3, 22 КО) рақиб бўлди. Жанг тенг курашлар остида бошланди. Аксарият раундларни британиялик боксчи ўз фойдасига ҳал қилган бўлса, айрим раундларда Бетербиев фаолроқ бўлди.

Жаннинг 8-раундида Артурнинг кетма-кет зарбаларидан кейин рефери техник нокаутни қайд этди.

Шу тариқа Бетербиев фаолиятидаги 19-жангида 19-ғалабасини қўлга киртган ҳолда, камарларини муваффақиятли ҳимоя қилди.